Abebe Gellaw

ቅኝ አንገዛም!

እራሱን የትግራይ ህዝብ ነጻ አዉጭ ብሎ የሚጠራዉ ዘራፊና ፋሺስታዊ ቡድን እንደ ነጋበት ጅብ መግቢያና መፈናፈኛ እያጣ ነዉ፡፡
ህወሃት አላማዬን አሳክቻለሁ ትግራይን ነጻ አዉጥቻለሁ እያለ ቢያቅራራም ከመረብ ባሻገር ያለዉን ህዝብና አገር ልክ እንደ ቅኝ ገዢ እየዘረፈ፣ በግፍ እየገደለና እያሰቃየ በኢትዮጵያ ህዝብ ላይ ተዘርዝሮ የማያልቅ ወንጀል በመፈጸም ላይ ይገኛል፡፡ ህወሃት አላማዉ ትግራይን ነጻ ማዉጣት ስለሆነ (ከማን ነጻ እንደሚያወጣ ባይታወቅም) ከትግራይ ባሻገር መሬት መቀማት፣ ማስገበር፣ አድሏዊ ስርአት ማንሰራፋት፣ መጠነ ሰፊ ዘረፋ ማካሄድ፣ መግደል፣ በዜጎች ላይ ኢሰብአዊ ሰቆቃ መፈጸም፣ ህዝብ ማፈናቀል፣ መከፋፈል እና በዘረኝነት ህዝቦችን መፈረጅ አይነተኛ ባህሪያቶቹ ናቸዉ፡፡
ህወሃት ገና ሲፈጠር ገንጣይና አስገንጣይ ስለሆነ ህዝቡ ከፈቀደ ትግራይን መገንጠል ይችላል፡፡ እንደዉም እዉነቱን ለመናገር ትግራይ በአሁኑ ግዜ ሙሉ በሙሉ የህወሃት እርስት መሆኗ ግልጽ ነዉ፡፡ ያለህወሃት በትግራይ ላይ ማንም አያዝም፡፡ በቅርቡም ሳሞራ ዩኑስ ህወሃት ከሌለ የትግራይ ህዝብ የለም ብሎናል፡፡ ይሁንና የትግራይ ህዝብ አገሩን አጥቶ ብቻዉን በህወሃት ፋሺስታዊ አገዛዝ ስር ይቀጥላል ብሎ ማመን ይከብዳል፡፡ ፈቃዱ ከሆነ ግን ማንም ሊያስቆመዉ አይገባም፡፡
ህወሃት በሌላዉ የኢትዮጵያ ህዝብ ላይ በነጻነትና በእኩልነት ስም የጫነዉ ፋሺስታዊ ቅኝ አገዝ ጭቁኑ ህዝብ በቃኝ ብሏል፡፡ በየአደባባዩ አሻፈረኝ ብሎ የተነሳዉ ህዝብ “ጠባቡና ትምክተኛዉ የትግራይ ነጻ አዉጭ ኢትዮጵያ ዉስጥ ምን ይሰራል?” እስከ መቼስ እየገደለና እየዘረፈ መቀጠል ይችላል? የሚል መሰረታዊ ጥያቄ እያነሳ ነዉ፡፡ የህወሃት ቅኝ አገዛዝ ፈጽሞ ተቀባይነት የለዉም፡፡ የጸረ ቅኝ አገዛዝ ትግሉ በመላዉ ኢትዮጵያ ይፋፋም፡፡ ህዝቡ ግብር መክፈል ያቁም፡፡ በህወሃትና በቅጥረኞቹ የንግድ ተቋማት ላይ መጠነ ሰፊ የኢኮኖሚ ማእቀብ ይደረግ፡፡

Image may contain: 1 person