Dawit Nega

ልጇን ከጣሊያን የምትጠብቅ እናት ከማዕከላዊ ተቀበለችው

የአገሪቱ የዘር ፖለቲካ በፈጠረው ጭካኔ የተነሳ የአንድያ ልጇን
አባት የተነጠቀችው እናት ህጻኑን ተስፋዬ ተካልኝን እንደ
አብዛኞቹ የኢትዮጵያ እናቶች በመከራ ውስጥ አሳድጋዋለች፡፡
ተስፋዬም እናቱን አላስከፋም፡፡ዩኒቨርስቲ መግባት የሲባጎን
ያህል የቀጠነ ቢሆንም እናቱን ለመጦር በነበረው የጠነከረ
ህልም የተነሳ አንገቱን ሰብሮ ጊዜውን ለትምህርቱ በመስጠቱ
በማህበራዊ ሳይንስ ፊልድ ለመመረቅ በቅቷል፡፡
ተስፋዬ ከከፍተኛ የትምህርት ተቋም ተመርቆ እንደወጣም
ከጣልያን ድርጅት ጋር ወፈር ያለ ደሞዝ እያገኘ ሲሰራ ቆይቷል፡፡
ድርጅቱ ስራውን አጠናቅቆ ከአገር ሲወጣም ተስፋዬ የመንግስት
ቅጥረኛ ሆኖ በአዲስ አበባ መስራት ጀመረ፡፡
ወደጣልያን የተመለሱት የቀድሞዎቹ የተስፋዬ አሰሪዎች
መቀመጫውን ሮም ካደረገ ዩኒቨርስቲ ጋር ተነጋግረው የስኮላር
ሺፕ ዕድል አመቻቹለት፡፡ወደ ጣሊያን ለተጨማሪ የትምህርት
ዕድል የሚያቀናበት ወቅት ሲቃረብም ተስፋዬ አዳማ የነበሩትን
ወላጅ እናቱን ለመሰናበት ወደናዝሬት አቀና፡፡
ተስፋዬ እናቱንና በአካባቢው የሚያውቁትን ሁሉ ተሰናብቶ ወደ
ሸገር ተመለሰ፡፡ለጉዞ የሚሆነውን በማዘገጃጀት ስራ ላይ
እንደተጠመደም በአንድ ማለዳ የተከራያት ቤት በር ተቆረቆረ፡፡
ሰዎቹ ህይወቱን አመሰቃቀሉበት፡፡ለአንድ አመት ከስምንት
ወራትም በማዕከላዊና ዝዋይ እያመላለሱ አሰቃዩት፡፡
ኦነግ መሆንህን እመን እያሉ የደበደቡት ገራፊዎቹ ብዙ ስቃይ
አደረሱበት፡፡እናት ልጇ ጣሊያን እንደሄደ ስለምታውቅም አንዱ
ተስፋዬ ስለሚገኝበት ስቃይ የምታውቅበት መንገድ አልነበረም፡፡
ፍርድ ቤት ሳይቀርብ፣ለምን እንደታሰረና እንደተፈታ ሳይነገረው
ተስፋዬ በሁለት ዓመቱ ከሰውነት ተራ ወጥቶና ሰው ለደቂቃ
የማይቀርበው ሆኖ ምስኪኗን እናቱን አገኛት፡፡
ልጇ ተምሮ በሚቀስመው ዕውቀት አገሩን የሚጠቅም ይሆናል
ብላ ስታስብ አገሯ ልጇን አበላሽታ ላከችላት፡፡
አሁን የተስፋዬ እናት ከልጇ ጋር ከአንዱ ጸበል ወደሌላው ከአንዱ
ሆስፒታል ወደሌላኛው የምትንከራተት ምስኪን ሆናለች፡፡
ተስፋዬ ጤንነቱ በመቃወሱም እናቱን በስተርጅናዋ ማንከራተቱ
እየተሰማው ራሱን ይረግማል አንዳንዴም ፈጣሪ የሰጠውን
ህይወት በማጥፋት ይህችን ክፉ ዓለም ለመሰናበት ያስብና
የእናቱ ጥልቅ ሐዘን በህይወት እንዲቆይ ግድ ይለዋል፡፡
አሁን የተስፋዬን እናት ይህች አገር ባልዋን የነጠቋትንና ልጇን
ያሰቃዩባትን ክፉዎች ብቻ ሳይሆን አንተንና አንቺን የመሳሰሉ ቅን
ወገን መሆን የሚችሉ ሰዎችን ማፍራቷን ማሳየት የምንችልበት
አጋጣሚ ተፈጥሯል፡፡
እናም የተስፋዬን እናት ከጎንሽ ነን እንበላት ፡፡ይህች
ማስፈንጠሪያም ለተስፋዬ እናት አጋርነታችንን የምናሳይበትን
አካውንት ይዛለች ተጠቅመንባት ሌሎች እንዲጠቀሙ
እናበረታታባት፡፡
@Zelalem
Image may contain: 1 person