11156367_940304536001629_5634396412081808131_n
በዛሬው የኢሳት ሬዲዮ ስርጭት
_ የአሜሪካዋ ምክትል የውጭ ጉዳይ ሚኒስትር ዊንዲ ሼርማን ንግግር የአፍ ማዳለጥ፡ ወይስ ዲፕሎማሲያዊ ሽንገላ? ከውጭ ጉዳይ መስሪያ ቤት ኢሳት ለማረጋገጥ እንደቻለው ሴትየዋ የተናገሩት የአሜሪካንን አቋም የሚያንጸባርቅ አይደለም። ምናልባት ዊንዲ ከዚያው ካሉበት ማብራሪያ አልያም ማስተካከያ ይሰጣሉ ተብሎ ይጠበቃል። ” ……….በዲሞክራሲያዊ መንገድ የተመረጠን መንግስት ግንቦት ሰባትን ጨምሮ ሽብርተኛ የተባሉ ድርጅቶች ለማስወገድ ከሞከሩ አሜሪካ ታወግዛለች;; ከመንግስት ጎን ትሆናለች……” ዊንዲ ሼርማን
ፍሪደም ሀውስ የሴትየዋን አስተያየት ከደንቁርና የመነጨ ብሎታል። ዶክተር ብርሃኑ ነጋ በበኩላቸው ሴትየዋ መሰል ዲፕሎማሲያዊ ፋውል በመስራት የሚታወቁ በመሆናቸው ከቁምነገር አንወስደውም ብለዋል። በህግ ሊያስጠይቃቸው እንደሚችል ደግሞ ኢሳት ያነጋገራቸው የህግ ባለሙያዎች ገልጸዋል።
_ ኢትዮጵያውያን በደቡብ አፍሪካ በወገኖቻችን ላይ እየተፈጸመ ያለውን ጥቃት እያወገዙ ናቸው። በለንደን ዛሬ የተቃውሞ ሰልፍ ተደርጓል። በዋሽንግተን ዲሲ የፊታችን ሰኞ ይደረጋል። የደቡብ አፍሪካ ፖሊስ ቃል አቀባይ ሌፍተናት ጄነራል ሶሎሞን ካማሌ ለኢሳት ይናገራሉ።